Pagsali sa mga Paligsahan: Nagdulot ng Tagumpay

Masasabi nating mahirap na ang buhay sa kasalukuyang panahon at sa mga lumipas pa ngunit paano nga ba nalalagpasan ng mga Pilipino ang kani-kanilang mga problema? Sa mga nagdaang taon, marami sa ating mga kababayan ang nanatiling matatag upang malagpasan ang mga kinakaharap na problema. Mayroon rin namang nagnanais na maging artista at sumikat upang maiahon ang kanilang pamilya sa kahirapan. Ilan sa mga Pilipinong ito na nagtagumpay sa kabila ng kahirapan ay tanyag na sa ating industriya.

Sa larangan ng musika, kilala si Regine Velasquez bilang isang magaling na mang-aawit. Nagmula siya sa isang simpleng pamilya. Guro ang kanyang ina na nagturo sa kanyang umawit. Kasama ang kanyang ama na inilulubog siya sa isang drum ng tubig upang gumanda ang kanyang boses. Laman siya ng iba’t ibang singing contest. Palagi siyang nagwawagi pero hindi dito tumigil ang kanyang pagsisikap upang marating ang tagumpay. Ang pagkapanalo niya sa “Ang Bagong Kampeon” ang naging tulay niya upang umangat sa buhay. Sa pagkapanalo niya bilang “Grand Prize Winner” ay unti-unti siyang nakilala sa larangan ng “showbis”. Sa ngayon, isa siya sa kinikilala bilang pinakamahusay na mang-aawit kung kaya’t kilala siya sa tawag na “Asia’s Songbird”. Dahil sa pagnanais na maiahon ang kanyang pamilya sa kahirapan ay nagsikap siya upang marating kung ano man ang mayroon sila ngayon. Dedikasyon, sipag at tiyaga upang marating ang rurok ng tagumpay.

Samantala, si Manny Pacquiao na kilala sa larangan ng boksing dahil sa akin nitong galing. Buhat siya sa Lungsod ng General Santos. Noon ay isa siyang ordinaryong mamamayan at boksingero ngunit unti-unti siyang nakilala. Inilaban siya sa iba’t ibang boksingero at nagkamit na siya ng limang panalo. Itinayo niya muli ang karangalan ng ating bansa. Nag-uwi siya ng mga tropeyo, medalya at pera. Bunga ng pagkapanalong ito, umayos ang kanilang buhay. Nakapagpatayo siya ng bagong bahay at hindi niya ipinagkait sa iba ang kanyang tagumpay. Ibinahagi niya ito sa mga nangangailangan o sa mga taong kapos sa buhay. Ang kampyon na ito ay kilala bilang “People’s Champ” at “Pacman.”

Sa dalawang magkaibang buhay na ito, sila ay may iisang layunin na maiahon ang kanilang pamilya sa kahirapan dahil ang tangi lamang problema ng tao sa ngayon ay kakapusan sa pera. Nais lamang nila ng kaginhawahan na lahat naman tayo ay iyon ang mithiin. Naging henyo ang mga Pilipino sapagkat sa kahit anong pagsubok sa buhay, nagtagumpay pa rin sila sa pamamagitan ng pagsusumikap at pagtitiyaga. Nakilala ang mga Pilipino sa iba’t ibang dako ng bansa bilang mahusay sa iba’t ibang larangan.