"Think Positive, Walang aayaw"

'Jose Rizal, Andres Bonifacio at Emilio Aguinaldo ay iilang lamang sa mga henyong bayaning Pilipino na lumaban para makamit ang ating kalayaan. Matitinding pagsubok ang pinagdaanan , maging ang kanilang mga sarili ay isinugal makamit lamang ang inaasam na pagwagayway ng ating pinakamamahal na watawat. 'Pilipino nga naman, gagawin ang lahat maging matagumpay lamang.
'Lahat tayo ay nangangarap umasenso sa buhay ,maging maginhawa ang araw-araw na pamumuhay ngunit hindi natin maiwasan na sa ating kalagitnaan ng ating mapangarap na paglalakbay ay may mga pagsubok na tayo ay kahaharapin. Pagsubok na susubok sa atin kung paano maging matatag at matapang. Nariyan na aabot sa punto na tayo ay susuko at hindi na lalaban. Pero hindi ba't nanalaytay sa atin ang dugo ni Andres Bonifacio, isang dugong matapang at hindi marunong sumuko.
'Kung padamihan lang naman ng problema na titiyak ko na "winner na winner" dyan ang mga pinoy! simulan natin sa problema sa pag ibig, nawalan ng mahal sa buhay, nasunugan at higit sa lahat ang walang kamatayang kahirapan na walang sawang idinadaing ng mga pilipino. Naku! mapalaki man o mapaliit na problema ay talagang dinidibdib ng mga pinoy, "dramang bukid" nga kung tawagin ng ilan sa atin.
Nakakatawa kung tutuusin problema na nga pinuproblema pa! hay buhay nga naman. 'Pero lagi lang nating tatandaan na hindi lang tayo ang nagmamay-ari ng lahat ng problema sa mundo. Marami pa dyan na higit na mas mabigat pa, ang mga problemang kinakaharap. "Always think positive, walang aayaw," dahil may diyos tayo na laging handang umalalay at tumulong sa atin. At higit sa lahat, lagi nating ilalagay sa kukote natin na tayo ay mga Pilipino, henyo at hindi marunong sumuko. '